لَقبی سردار میللی اولان، ستارخان مشروطه موباریزلرینده‌ن و مشهور آزادلیق ایسته‌ین، ۱۲۴۵ هجری شمسی ایلین مهر آیی‌نین ۲۸ اینده قره‌داغین بئششک (سردار کندی) کندینده دونیایه گوز آچدی.
او مشروطه‌خواه‌لیق و آزادلیق موباریزه‌لری‌نین اول‌لرینده تبریزه گلدی و مشروطه‌ایسته‌ین‌لرین صف‌ینده دوردو.
محمد‌علی شاه مجلیسی بومباران ائدنده و اوندا کی اؤلکه‌نین باشاباشیندا شیددتلی خفقان حاکیم‌ایدی، موباریزه شعله‌لرین تبریزده دیری ساخلادی و تبریز قیامی‌نین رهبرلیغین الینه آلدی.
او تهرانین فتحی و محمد‌علی شاهین خلع‌ینده‌ن سونرا جماعتین ایسته‌یی ایله تهرانا گلدی و جماعت اوندان استیقبال ائله‌دیلر و اونلارین تهرانا گلمه‌سی ایله بیر زاماندا استعمارین نؤکری اولان نوماینده‌لر، بعضی جیره‌خوار قلم وورانلار ایله بیرلیکده اونو دانلاماغا باشلادیلار و اغتشاش سالماغا متهم ائله‌دیلر.
بیر موددت سونرا تهرانین شهربانی رییسی اولان «یپرم خان» اوندان و یولداشلاریندان ایسته‌دی کی سیلاحلارین تحویل وئرسین‌لر. آمما ستارخان کی اونلارین توطئه‌سینده‌ن خبری واریدی تسلیم اولمادی.
نهایت‌ده شهربانی مأمورلاری و آزادلیق ایسته‌ین‌لرین آراسیندا شددت‌لی ساواش‌دان سونرا ستارخانین یولداشلاری‌نین چوخو شهید اولدولار.
ستارخان‌دا بَتر یارالاندی و بیر مددت سونرا همان یارانین اثرینده ۱۲۹۲- جی هجری شمسی ایلینده شهادته چاتدی و «ری»ین طوطی باغیندا توپراغا تاپیشیریلدی.
ستارخان، تبریز و آذربایجانین، استبداد قوه‌لری قاباغیندا اون بیر آیلیق دایانیشیندا، اوندا کی تزار قونسولو اوندان ایسته‌ییر؛ روس پرچمین ائوی‌نین قاپیسینا تاخیب، روس‌لارین حمایت‌یندن فایدالانسین، بئله جاواب وئریر: جناب قونسول، من حضرت ابوالفضل العباس و ایران بایراغی‌نین آلتیندایام. منه روس بایراغی لازیم دئییل. من اصلا ظولم و استبدادا تابع اولمویاجاغام و بوگون آللاهین فضلی ایله اسلام و حضرت ابوالفضل العباس بایراغین اله آلیب، بوتون مستبدلر طرفیندن شهرده قالخیزیلمیش بایراق‌لاری یئره ائندیره‌جه‌یم.
