مساوات خبر آژانس‌نین گزارش‌ینه گونره بو جلسه‌نین آپاریجی‌لیغینی رسول اسمعیلیان عهده‌سینه آلمیشدی.
آذربایجانین تانینمیش ادبیاتچیلاری بو اوتوروما قاتیلیب، ده‌یرلی چیخیشلار ائتدیلر. ارسطو مجردی، نوریه لوح و علیرضا انباز نثرین تاریخی و اؤزللیکله آذربایجان نثرینین دورومونو کئچمیش‌دن ایندی‌یه آچیقلارکن قادین‌لارین یازماقدا زورلوق چکیب محدودیتده اولدوقلاری باره‌ده دانیشدیلار.
کبری میرحسینی و عیسی زینی برابر، کیتابدان بیر نئچه پاراگراف دیالوگ سسلندیردیلر. امین جودت سازدا و آیسل جوادپور باغلامادا گؤزل قطعه‌لر ایفا ائتدیلر و سون‌دا حؤرمتلی شاعیرلریمیز او جومله‌دن حسین مصری، علی جوادپور، آیسو مختاری، سمیه اسدی و… عزیزلردن شعرلر ائشیدیب و امضا بؤلومونه کئچمک‌له مراسیم سونا چاتدی.
