مساوات – محمد شکری آستامال: یاز آیلاری آذربایجان طبیعتینده یابان حیاتینین بالالاما (زاد و ولد حیات وحش) و چوخالما دؤنمیدیر. دونیا بویونجا اعتبارلی اکولوژی قوروملارینین ایستانداردلارینا گؤره، بو حساس دؤنمده اینسان موداخیلهسی چؤل حئیوانلاری اوچون اؤلومجیل اولا بیلر.
طبیعتی قوروماق اوچون بو اوچ قایدایا عمل ائتمهلیییک:
۱. تک قالمیش بالا حئیوانلارا قطعاً توخونمایین! آنالاری یئمک آختارماغا گئدیب. اینسان اییسی دهیسه، آنا بالانی ترک ائده بیلر.
۲. «آفرود» ماشینلاری و اوجا سسلر، بوغاز حئیوانلاردا کسکین هؤوشنه (استرس) یارادیب، بالاسالما و یا اؤلوم تهلوکهسینه یول آچیر. یوللاردان چیخمایین.
۳. طبیعتده گزرکن ائو حئیوانلارینی (اوزهللیکله ایتلری) باغلایین کی، یابان حیاتینا هوجوم ائتمهسینلر.
آذربایجانین زنگین چئورهسی (محیط زیستی) بیزیم اورتاق ثروتیمیزدیر. طبیعتده یالنیز آیاق ایزی بوراخاق.
