• امروز : سه شنبه - ۲۱ اسفند - ۱۴۰۳
  • برابر با : 12 - رمضان - 1446
  • برابر با : Tuesday - 11 March - 2025
12
یادداشت/

“ورزقان-خاروانا”نین گورمه‌لی یئرلری ایله تانیش اولاق!

  • کد خبر : 6370
  • ۲۲ اسفند ۱۴۰۱ - ۲۱:۰۸
“ورزقان-خاروانا”نین گورمه‌لی یئرلری ایله تانیش اولاق!
ایل بایرامی قاباقدادیر. گلین آذربایجانیمیزین ورزقان- خاروانا منطقه‌سی‌نین گوزه‌ل و گورمه‌لی یئرلری ایله تانیش اولوب، اوزگه‌لر، اوزه‌للیک‌له‌ بایرام قوناقلارینا تانیتدیراق.

مساوات- احمد حسن نژاد: ورزقان – خاروانا منطقه‌سی، چوخ زنگین تاریخ و کئچمیشه صاحب‌دیر. بو منطقه‌ده نئچه تاریخی قالا یئرلشیر کی لاپ تانینمیش و آدلیم‌لاری جوشون، آغجا قالا و علی‌بی قالالاری‌دیر.

سیغیندیل‌ کندی‌نین اورارتولارا عاید اولان داش‌دا یونولموش کتیبه‌سی، خاروانانین قدیمی مچیدی، گوی‌اوممد کندی‌نین ایلخانی‌لار دووره‌سینه مربوط اولان الله الله بورجو، اووخارانین داش دامداش بیناسی و حاماملی کندی‌نین کوهول‌لری بو منطقه‌نین اسکی تاریخیندن خبر وئریر.

دوغو آذربایجان ایالتی‌نین “کرینگان” آدلی تکجه تات دیللی کندی، ورزقاندا یئرلشیر. آذربایجان و ایرانین آدلیم مبارز چهره‌لری ستارخان و محمدتقی‌خان پسیان‌ین آتا ائولریندن، ورزقانین سردار کندی و خاروانانین سوهرون کندلرینده گوروش ائده‌بیلرسیز.

یاددان چیخارمایاق کی ورزقان- خاروانا بیر داغلیق منطقه‌دیر. اوجا داغلار، سیرت قایالار، سولو بولاغ‌لار، گور چایلار و یام یاشیل مئشه‌لر ایله یایلاق‌لاری بو منطقه‌نین هر دورد بیر بوجاغیندا گوره‌بیلرسیز.

لینک کوتاه : https://mosavatnews.ir/?p=6370

برچسب ها

ثبت دیدگاه

مجموع دیدگاهها : 0در انتظار بررسی : 0انتشار یافته : ۰
قوانین ارسال دیدگاه
  • دیدگاه های ارسال شده توسط شما، پس از تایید توسط تیم مدیریت در وب منتشر خواهد شد.
  • پیام هایی که حاوی تهمت یا افترا باشد منتشر نخواهد شد.

برچسب ها
آذربایجان آذربایجان شرقی آذربایجان‌شرقی آموزش و پرورش ارمنستان استاندار آذربایجان‌شرقی استانداری آذربایجان‌شرقی اهر باشگاه تراکتور باشگاه مس سونگون تبریز تراکتور جمهوری آذربایجان جهادکشاورزی جهادکشاورزی آذربایجان شرقی دانشگاه علوم پزشکی تبریز دریاچه اورمیه سازمان سیما منظر سازمان صنعت، معدن و تجارت آذربایجان‌شرقی شرکت آب منطقه‌ای آذربایجان‌شرقی شرکت آب و فاضلاب آذربایجان‌شرقی شرکت مس سونگون آذربایجان شرکت گاز آذربایجان‌شرقی شهردار تبریز شهرداری تبریز شهرداری مرکزی تبریز شهرداری منطقه ۲ تبریز شهرداری منطقه ۵ شهرداری منطقه ۸ شهرداری منطقه ۸ تبریز صندوق بیمه اجتماعی کشاورزان، روستاییان و عشایر آذربایجان‌شرقی مترو تبریز مجتمع مس سونگون محیط زیست مسعود پزشکیان منطقه آزاد ارس میراث فرهنگی میراث فرهنگی و گردشگری نماینده ورزقان و خاروانا هواشناسی ورزش ورزقان پایگاه خبری مساوات کمیسیون صنایع و معادن مجلس گردشگری